黎耀祥、鄧萃雯的劇集備受觀眾討論，尤其祥仔的「柴九」有何下場更備受關注，近年無綫都向觀眾意見低頭拍幾個大結局版本，但雯女認為人生總有遺憾，不一定要happy ending。
昨日雯女、祥仔、吳卓羲、徐淑敏等《巾幗梟雄》演員到老人中心探訪派白米，又公布有平均30、最高35點收視的好成績。而劇中一眾角色的下場也成關注「議題」，據知「柴九」會患肺癆死，四奶奶將孤獨終老，大奶奶變成瘋婦，二、三奶奶則會橫死，必文被火燒死，只有必正有好結果，跟阿敏成一對，而廿九日當晚，會連播兩小時，但無綫未安排在商場搞活動。
沒需要拍續集
對於近年會因觀眾意見而改結局，雯女坦言不接受：「好完美啦，一定唔會改，啲網友都話唔好，人生就係咁，喺遭遇中盡力做好，好同唔好都用心經歷，活在當下就係圓滿人生，唔一定要happy ending，畀觀眾記住個遺憾。」至於拍續集，雯女亦覺得沒需要，最好台前幕後再合作拍其他劇。
祥仔滿意收視
隨着劇情緊湊，收視漸攀升，首次擔正的祥仔坦言感到滿意：「都冇期望，始終柴九唔係做啲煽情戲，幾衰格。（拍唔拍前傳？）唔好喇，柴九一生咁樣就夠。」不過祥仔也承諾會獨資請台前幕後慰勞宴，而他亦要雯女在結局當晚壓軸請客。
此外，5．12當晚《巾》劇因賑災節目而停播，無綫收到十一宗投訴，另前晚一集高清翡翠台播映時，有一秒閃過另一個廠拍攝的情況，監製李添勝謂工程部指是電腦出錯。
文：影視組