袁詠儀（靚靚）、蒙嘉慧和陳敏之前晚為《美女廚房》錄影，期間靚靚不斷出茅招，全程靠助手周美鳳煮食，又要美味天使幫手，更與評判之一的黃秋生口角，認真搞笑！
靚靚、蒙嘉慧和陳敏之前晚為《美女廚房》錄影，並由黃秋生和張家輝任評判。事先張揚不懂廚藝的靚靚整晚搗亂，炮製「鹿根清淨八寶鴿」時不理規則，全程只在旁洗碗切菜，靠請來的助手周美鳳煮食，期間靚靚還跟評判黃秋生口角。
賣口乖無幫助
靚靚除強行將周美鳳留下幫忙，又呼喚一班美味天使幫手，其餘兩位嘉賓則自食其力，主持鄭中基看不過眼，即叫美味天使坐上評判席陪評判，不許她們幫手。靚靚見狀竟大呼：「娛樂圈好糜爛，男明星用惡勢力搞女演員！」秋生反駁道：「個個都搞，淨係唔搞你！」試食時眾人一致給靚靚高分，之前靚靚雖賣口乖讚秋生好人，不過秋生不領情笑說：「你講乜都冇用，你都嫁咗人生咗仔。呢行真係有黑幕，冇公平可言！」
同場的蒙嘉慧說近年廚藝有進步，最拿手整凍蟹，問男友鄭伊健對她的餸菜有何評價？蒙嘉慧有所保留說：「班朋友好快已經食晒。」另外，早前有報道指蒙嘉慧爛賭，她無奈指被拍時只是將車泊在街邊，恰巧附近有間聯誼會而已。
乘勢加拍七集
第二輯《美女廚房》自播出以來反應極好，原本八月初播完，但因收視理想，無綫決定加拍七集，屆時除會到海外取景，更會請來香港模當嘉賓。
文：影視組