謝霆鋒前晚在戲院為MV舉行首映會，獲父母及一眾好友捧場，老闆楊受成更率領旗下藝人齊齊撐場，盡顯其一哥地位。雖然張栢芝未有現身，但她不忘為老公炮製驚喜，送上模型戰機，令霆鋒冧到震謂：「咁多人睇住點會話唔鍾意。」
霆鋒前晚在戲院舉行「Tonight Short Film」首映會，播出以半年時間、耗資二百五十萬元製成的音樂短片，短片以全新國語專輯《最後》內的《Tonight》及《終點站》製作而成，由容祖兒聲演旁白。
首映會當晚星光熠熠，除了有四哥謝賢及狄波拉現身撐場外，老闆楊受成與霍汶希亦率領一眾英皇歌手，聯同霆鋒的好友何超儀、陳子聰及陳奕迅等到場支持。
四哥追討酬勞
栢芝雖然未有到場，但亦向老公及老爺送上模型戰機，讓霆鋒意外到眼濕濕說：「我真係唔知。（鍾唔鍾意？）咁多人睇住點會唔鍾意。」當歌迷大叫霆鋒較鍾意栢芝時，四哥隨即說：「唔止你哋，我都鍾意栢芝！」場面溫馨。
在短片中飾演海軍戰機機師的霆鋒與四哥父子檔演出，而內地模特兒Masha則擔任霆鋒女友。約十五分鐘的片段中，有多場戰機在空中對戰及飛出太空的畫面，效果震撼。霆鋒笑言四哥向他追討酬勞，又表示沒有邀請太太栢芝演出是因為短片並不是家庭廣告。
帶歡樂畀太太
有記者問到藝人慾照發布源頭史可雋被判刑八個月是否合理？霆鋒沉默十數秒後說：「我真係唔識答你呢條問題。」他續說不會跟栢芝討論此事，因他只負責帶歡樂給太太。對於有傳古巨基將加盟英皇，霆鋒說：「唔關我事。（代替你做一哥？）我唔係老闆，一哥咁虛嘅嘢冇得分。（開新公司唔續約？）唔係，絕對唔關呢件事。」
文：音樂組