本文重點
米雪、郭晉安、關詠荷及楊秀惠等昨日出席新劇《五味人生》造型記者會，由於阿姐「巡廠」四圍派囍糖，當阿姐派給米雪時更問她：「幾時到你呀？」
米雪表示：「家英哥回港時都有打嚟，好戥佢哋開心。（阿姐問幾時到你？）我依家都戥自己開心，我每年都同男友去拉斯維加斯旅行，係今年冇。（都會喺嗰度結婚？）係啦，特別啲，年年都去玩嘛。（有冇結婚衝動？）一剎那啦。」再追問米記有否結婚打算時，她說：「諗緊，睇吓有冇時間，睇心情，可能即興啦，不過最緊要佢（尹志強）身體健康。」
安仔追多個賀「阿媽」
至於尊稱阿姐為「阿媽」的郭晉安，被問到會否送多個孫給阿姐？他笑道：「今次益埋家英哥。（有冇打算追多個？）會㗎，計劃緊。（老婆曾小產，擔心？）都會擔心，醫生講過我哋做藝人偏瘦有影響，會搞好身體先。」而關詠荷則表示《五》劇會拍攝兩個多月，可趁機讓女兒學獨立及多親近老竇張家輝。