汪明荃（阿姐）與羅家英大婚之喜，無綫方面亦隆重其事於昨日為她舉行慶祝活動，雖然阿姐說未有改口叫家英哥作老公，但她依然冧爆表示婚後兩人名正言順的照顧對方及有一個家。
阿姐跟家英哥前日由美國回港，當晚家英哥即要趕赴橫店開工，故未能出席昨日無綫為阿姐舉行的《TVB恭賀汪明荃結婚之喜》活動，雖然如此，但無綫方面亦如嫁女般隆重其事，高層梁乃鵬、陳志雲及樂易玲均有出席，並分別致賀辭及送禮物，如印有家英哥與阿姐卡通肖像的心意卡、鮮花及全球最小的流動投射機等，現場亦有囍餅送給傳媒。
未改口叫老公
阿姐心情大靚滿場飛派囍糖，又表示自己在香港沒有親人，所以待在無綫三十八年的她已當了無綫是家，更笑言今次是TVB嫁女。
問到阿姐可有改口叫家英哥為老公？她說：「冇呀，照叫佢羅生。（佢叫你老婆？）都係叫番Liza咯！」再問到婚後可有定下甚麼規條？阿姐說：「都畀番對方自由度，拍拖二十年，今次係名正言順照顧對方，有番個家。」
小別冇唔習慣
家英哥於前晚上了橫店開工，問阿姐可有不習慣？她笑言：「不嬲都一個人住，冇唔習慣，新屋未裝修好。（掛住家英哥？）暫時冇掛呀，同佢通電話都有叫佢小心啲。」
另外，陳志雲於台上亦表示：「我同梁生（梁乃鵬）講阿姐結婚消息，佢問我阿姐嫁邊個喎，證明阿姐有好多人揀，家英哥得咗。」
文：影視組