任達華、鮑起靜與許鞍華等前晚出席新片《天水圍的夜與霧》首映，華哥指戲中斬殺老婆及孖女的角色，與以往他所演過的《羔羊醫生》大有不同，他說：「今次係角色人物靈魂出咗問題，咁多年嚟自己有進步，喺演繹上都好唔同。（想攞獎？）年年有提名已經開心，最重要係唔好畀自己壓力，拍完呢套戲，令我更加珍惜朋友同家人。」另外，華哥昨日已起程為電影《復仇》到康城作宣傳。
鮑姐被問到無綫是否力斟她過檔，她笑說：「未未未，佢哋唔會挖我，亞視藝人過檔要洗底洗好耐㗎，況且亞視對我好好，我份人比較念舊。（亞視開新劇留你？）亞視會開綜合節目嘅機會多啲，（即使無綫用重金挖你都不為所動？）真係挖我先算啦！」
