本文重點
謝安琪（Kay）前晚於母親節舉行第三場演唱會，老公張繼聰特別帶囝囝到場支持，不過嘉賓農夫對這位母親絕不留情，在台上以Kay整容的傳聞作話題，笑她的雙眼及胸前一向偉大，令Kay哭笑不得，無言以對。
《好多謝安琪吶喊演唱會》前晚在母親節舉行第三場，收到不少歌迷祝賀「母親節快樂」的Kay繼續以靚聲會知音。老公張繼聰帶埋囝囝張瞻捧場，開場前更抱他上台打鼓，戴住保護耳機的張瞻看着媽咪出場，更手指指表現興奮，一家三口在紅館度佳節。
傷害事業 覺不緊要
演唱期間，當Kay講到近日負面報道時即感觸落淚，她說：「我嘅人生唔會咁壞，就算呢啲報道真係傷害我嘅事業，令一個歌手消失，我真係覺得唔緊要。」當晚農夫擔任演唱會嘉賓，三人繪影繪聲扮F4獻唱《流星雨》，騎呢動作加上農夫「異常流利」的國語，可謂笑料百出。
農夫不忌諱將Kay整容的傳聞擺上台，C君表示初初認識Kay時已經擁有一雙大眼睛，陸永又笑言：「好多人話佢爆肺，做手術開呢度（胸口）嗰陣，就順便整埋（隆胸），但我好肯定同大家講，Kay手術之前仲大，我指個肺容量。」兩人你一言我一語，令Kay都無言以對。最後三人合唱一曲《真的愛你》，送給天下所有母親，在溫馨氣氛下完場。
另外，農夫昨日到新城電台訪問，對於報道指Kay「姣冧」嘉賓，C君否認此說：「我好（普通話）冧佢就有。」
文：音樂組