本文重點
來自日本的椋名凜（Rin），其父母雖是醫療界專業人士，但隨着早前日本出現多宗豬流感（H1N1甲型流感）確診個案，令Rin擔心不已。日前她就密密買口罩，談到父母情況，更一度眼泛淚光。
「日版Paris Hilton」椋名凜家底不俗，父親是醫療公司高層，母親為醫院理事長，然而自日本確診豬流感個案，其父母頓成高危一族。日前Rin滿面愁容在雜貨店外睇口罩，見她俯身左揀右揀，似乎未合心水，就到另一間藥房購買，可能Rin的廣東話仍屬「有限公司」，不時用上身體語言，最後都要打電話求救，才買到心水的口罩及消毒用品。
母親取消來港
當記者上前問候，Rin表現大方，問到她有否擔心豬流感時，她即悲從中來：「好擔心，之前香港有確診個案時，爸媽好擔心，仲逼我返日本，但依家佢哋就叫我千祈唔好返住。」
談到父母乃高危人士，Rin更憂心得眼濕濕，透露母親的醫院亦已加緊防疫措施，Rin說：「爸媽有叮囑我要戴口罩，其實之前媽咪原本想嚟探我，但依家佢怕傳染我都取消咗啦。」
文：專案組