賈曉晨（JJ）前晚錄影遊戲節目，一身白Tee落水後即呈現透視效果，加上俯身狂笑令乳溝暴現，頓成全場焦點，連緋聞男女黃文迪與呂慧儀的風頭亦搶去。
賈曉晨、呂慧儀、裕美等前晚錄影無綫節目《大咕窿》，以泳衣打底外加白Tee的JJ，落水後白Tee出現透視效果，非常養眼，令她即時成為全場焦點，「峰」芒蓋過緋聞男女呂慧儀、黃文迪。
「開心舒服就得」
JJ否認泳衣上陣是存心性感博出位，她說：「我唔係想博出位，着泳衣靚啲，感覺健康啲，我又唔係低胸show胸，冇必要着潛水衣啫，咁做太特登、太奇怪！其實sexy同唔sexy係天生，最重要唔好夾硬、唔好造作，開心舒服就得，我今日玩得好開心！」JJ雖然口說並非show胸，但卻有意無意俯身狂笑，令到乳溝暴現。
呂慧儀與緋聞男友黃文迪（Dickson）同場，成為被玩對象，她大發嬌嗔：「咩Dickson嫂呀？佢唔係我男友，係男性好友，陣間我跌落水佢記得救我。（Dickson比選港男時發福咗？）着咁多衫點知喎！唔好成日講佢啦。（你唔着泳衣？）我驚泳衣走位好危險。」
鄭希怡想落水
黃文迪前晚再扮巨熊玩遊戲，後來目睹裕美落水又飛身勇救，表現投入，但與呂慧儀合照時反而不自然。
無份落場的嘉賓主持鄭希怡說：「睇見EO2推JJ落水唔係人咁品，好在我有個咪護身，唔係被人推埋落水，最近有少少感冒，遲啲換我落場玩，橫掂開始熱，係時候落水。」
採訪：影視組