本文重點
豬流感全球肆虐，鄭希怡（Yumiko）、關智斌（Kenny）等一眾英皇歌手前日到銅鑼灣時代廣場向市民派發口罩及宣傳單張，以身作則呼籲大家注意衞生，迎戰下次疫症高峰期。
英皇娛樂前日準備二千多個獨立包裝口罩，由Yumiko、Kenny、陳偉霆、鍾舒漫（Sherman）及李逸朗（Don）五位歌手親自到場派發，吸引數百名市民圍觀，場面墟冚，Yumiko坦言豬流感殺入香港後，就學識勤力洗手，搭飛機都會戴上口罩，以防「中招」。
而Don則特別買消毒地氈，入屋後更用保鮮袋包實波鞋，以免帶菌惹到家裏的貓咪。剛剛榮升車主的Kenny笑言新車落地，特別注意車廂衞生，不過就慘被Yumiko取笑：「佢唔只注意衞生安全，揸車都好安全，永遠唔會超過時速30公里。」
鍾舒漫否認被雪
另外，對於日前有報道指Sherman掛住拍拖而被雪藏，所以勸妹妹鍾舒祺到台灣發展，不要加入同一間公司，Sherman說：「太偏離喇，可能我之前去咗美國進修，呢排又閉關錄新碟，大家長時間冇見我，先誤會我被雪藏。（你勸妹妹唔好入英皇？）唔關事，我妹妹都咁大個人，有足夠思想去判斷自己將來。」
而經理人霍汶希笑言：「如果雪藏佢就唔會用咁多錢畀佢去美國進修啦，係就掉佢去墨西哥啦！」
採訪：音樂組