宣萱、李詩韻昨日出席《老婆大人II》宣傳活動，宣萱坦言母親身在外地，母親節都只是透過電話向她表心意，她謂：「之後睇吓佢鍾意乜啦！媽咪都鍾意首飾，佢睇啱我咪送畀佢囉！」李詩韻的母親身在加拿大，她亦很識做於網上訂花給她，問會否與緋聞男友鄧健泓的母親慶祝？她說：「冇喎！未約定。（唔行奶奶政策？）佢冇約我，可能佢哋想兩個一齊呢！」問她平時有否約伯母行街？她即謂：「唔好嘞！費事又話我想做人新抱，討好人咁啦！」
此外，同場宣傳港姐的張嘉兒、陳倩揚等都分別帶同阿姨及母親到場，張嘉兒坦言阿姨當她如女兒般，小時候更於對方新床瀨尿，她表示母親現於溫哥華，她又謂：「佢呢排唔知係咪踏入更年期，成日發忟憎，所以成日打電話氹佢。」