四位人氣女模為向母親表示敬意，分別出動揀母親節禮物。兩位有錢女諸葛梓岐和莊思敏齊齊使出銀彈攻勢，豪花近萬元買禮物；新舊「邦民女」陳嘉寶和羅凱珊則以心思冧媽咪。
母親節是一眾孝順仔女表孝心的機會，羅凱珊（Kama）、諸葛梓岐（Marie）、莊思敏和「新邦民女」陳嘉寶（Anjaylia）四位人氣女模不敢怠慢，紛紛出動選購禮物。身家豐厚的Marie和莊思敏齊齊豪擲銀彈，送出近萬元的禮物給媽咪。Marie表示母親是愛花之人，但因她身在北京，惟有改送水晶花，Marie說：「其實送水晶花仲好，因為鮮花好快就會凋謝，而且我同媽咪都鍾意閃令令嘅嘢。」
萬元手袋可保值
Marie昨日出席活動時被問及會否和男友薛嘉麟一家人慶祝母親節？她即尷尬說：「吓！一家人？食吓飯好正常啫！」而莊思敏則買了個美觀又實用的名牌手袋給媽咪，她說：「我媽咪鍾意Size大嘅手袋，雖然係貴啲，但手袋夠實用嘛，而且可以保值。」
陳嘉寶傳統送花
至於去年火速彈起的Kama及接她棒任「新邦民女」的Anjaylia則組成慳妹一族，送出心思禮物冧媽咪。Kama透露母親愛吃朱古力，故揀選了一份附有相架的朱古力禮盒：「呢份禮物啱晒我媽咪，我仲會加啲小心思，放一張我同媽咪嘅合照入相架度。」孝順的Kama又謂希望能賺多點錢，和媽媽一起搬大屋。而Anjaylia則最傳統，買了一束紅色康乃馨送給媽咪。
文：專案組