洪天明緋聞女友周家蔚前晚到尖沙咀夜場，以三點式泳衣亮相行騷，吸引不少蒲友撐場，而家蔚的表妹及閨中密友更專程到場支持，卻獨欠天明現身。家蔚成功減去七磅以弗爆身形亮相，並笑言沒有因此而「降級」：「總之夠用，it's ok!」雖然行騷時會走入人群，但她表示不擔心遭人輕薄：「如果出手我會打人㗎。（出口呢？）呢度咁嘈，聽到都當聽唔到啦。」
由於曾被傳媒偷拍到其沙灘泳裝照，家蔚揚言已不敢在當眾享受日光浴，只間中躲在朋友家泳池曬太陽。問到她可接受裸泳，家蔚說：「梗係唔得！除bra推胸通淋巴我都接受唔到，總之唔畀人掂得，（男友都唔得？）我係基督徒，梗係唔得啦！」
