剛榮升媽咪的姚嘉妮，雖然只是誕下寶貝女兩個多星期，不過已回復苗條身段，並急急在坐月期間出席嬰兒產品活動賺尿片錢，實行為囡囡搏到盡，真是一個廿四孝的潮媽！
姚嘉妮昨日偕陳敏之及Jocelyn Luko於apm出席「HUGGIES 愛．擁抱＠apm」活動，席上嘉嘉除了示範替ＢＢ換紙尿片外，又跟眾人學習抱嬰兒的手勢。雖然剛誕下Ｂ女兩個多星期，不過嘉嘉在這坐月期間已為囡囡「謀福利」，出席尿片品牌活動賺尿片錢，嘉嘉笑說：「我身體好好冇問題，況且之前自己都出過兩次街。（大會有贊助？）有呀，佢哋有贊助我尿片，所以覺得更加要出嚟，而奶粉都有贊助。」
上圍豐滿
已回復苗條身段的嘉嘉，上圍亦豐滿了不少：「我冇特別減肥，有咗嘅時候百四磅，依家就百一磅，上圍仲大咗，好開心。（再生多個？）暫時都唔會喇，想畀晒啲心機湊呢個先。」嘉嘉透露囡囡的英文名為Kyra，而中文名則要稍後再夾八字等才決定。
搵好種子
敏之雖然未有男友，不過她直言希望有自己的小朋友：「希望喺三十五歲前可以生到啦，不過呢啲唔可以強求，要搵番個好種子先。（搵唔到會搵精子銀行？）一定唔會，我要求唔一定要係靚仔，錫我嘅都已經係好種子，我唔會搵唔到啩！」敏之又表示近年女性都偏向較大年紀產子，故自己也不介意年長點才生，她更笑言不擔心會跟子女有代溝，反而是擔心子女會學壞。
文：影視組