謝婷婷昨日穿上白色大露背低胸長裙，為《MADIA皇室美鑽展》示範逾千萬鑽飾。對於契媽汪明荃與羅家英結婚，她興奮地說：「其實我之前已經想叫羅家英做契爺，但唔知啱唔啱，依家可以叫，咁樣舒服啲。（係咪好羨慕？）戥佢哋開心，好難搵到啱。（你搵到未？）慢慢嚟。（安志杰唔啱呀？）都唔係。（有冇潛質？）都有。」
母親節將至，婷婷稱母親狄波拉每年都會事先張揚要甚麼禮物。她說﹕「佢今年揀咗張卡，我會寫篇文畀佢。我都想送首飾，但我諗我要做多幾年嘢先夠錢。」對於父兄合作拍ＭＶ，婷婷表示也想跟父親謝賢合作，記者笑指謝賢拍戲必定戴黑超，她即說：「佢有次搭九個鐘飛機都戴住黑超，我朋友見到佢喺髮型屋剪髮同洗頭都係戴住黑超。」