賈曉晨（JJ）前晚首次以比堅尼bra top出席戶外活動，大騷長腿及波罅，令現場一眾酒客熱血沸騰，成功減去十多磅的JJ坦言上圍亦縮水，但不會做豐胸手術，她說：「又唔係細到唔見得人。」
迷倒萬千電車男的JJ前晚罕有地賣大包，以三點式bra top出席蘭桂坊舉行的人體繪畫活動。由於她露波罅兼晒長腿，惹得大批酒客埋身，連有份出席的外籍男嘉賓亦「攝石人」上身全程傍實。起初JJ表現緊張及尷尬，在後台不停與助手拉扯服飾以免走光。當她步行上台，現場閃光燈閃不停。
導演要求減肥
問到JJ酬勞是否很高？她以「OK」回應。再問她有否尷尬時，她說：「少少，好彩有兩個女模特兒陪住。」JJ又透露早前被導演要求減肥，結果成功減去十多磅，她說：「上圍都縮埋水，瘦咗自信都返晒嚟。（有冇諗過豐胸？）唔好喇，好驚呀，老咗搞唔掂，依家又唔係細到唔見得人。」
想每年出寫真
JJ表示很想每年推出一本寫真集：「好似留個紀念，大個咗睇番會好懷念。」入行五年的她坦言已做足心理準備：「喺呢行都唔知可以做幾耐，如果真係賺唔到錢都會唔做，唔好喺度嘥時間。不過好彩依家仲有好多嘢做，同做得好開心。」
文：音樂組