衞蘭雖為妹妹衞詩（Jill）藏毒案而煩惱，但前晚在《勁歌》優秀選第一回中，憑《就算世界無童話》奪得金曲，見她手上戴着佛珠鏈，未知是否藉此為妹妹催運，重拾歡顏的她坦言很開心，因為很久沒有出席頒獎活動。
有傳衞詩收死亡恐嚇，前晚在衞蘭身邊的工作人員沈小姐即搶答不回應，問衞蘭妹妹有否與緋聞男友關楚耀聯絡時，她則大叫救命避回應。衞詩遭唱片公司解約，衞蘭可有不開心？她謂：「我知Leon（黎明）答咗大家想要嘅答案，自己都唔想再回應，妹妹依家學彈琴、國語，每日飲牛奶同食士多啤梨，仲肥咗少少，間中都學整首飾（妹妹工作安排點樣？）我想盡快close file，唔想再講，（妹妹獲公司保留經理人合約即仲有發展？）唔答啦，費事愈講愈錯，（H１N１甲型流感肆虐，有乜防備？）我會多留喺屋企清潔家居，因為有貓狗就更要清潔，遲啲都會將妹妹養開嘅貓，帶去畀妹妹。」