梁嘉琪曾被批評輪廓未夠突出，但她從未想過整容，反而深信靠化妝可以改善天生缺點。而外形纖瘦的嘉琪，私底下原來是為食妹一名，就連公仔麵的味精湯也不放過。但近期為了以最佳姿態示人，嘉琪已盡量忍口。
嘉琪拍攝《學警狙擊》時大部分時間都以素顏上陣，她笑言：「其實我之所以化咁淡妝上鏡，係想配合番女警嘅身份，好彩出嚟效果都唔係太嚇人，哈哈！」嘉琪又表示平時不用上班時，她也會以素顏上陣。但原來她曾被批評輪廓未夠突出，故她連忙向專業化妝朋友請教化妝技巧。
求教化妝師
嘉琪謂：「我點都唔會整容，因為我怕痛嘛。（但好多人讚你靚咗喎。）靠化妝啫。我有個化妝師朋友話，如果真係想改善輪廓嘅話，記住喺鼻樑兩側同眼窩落啡色眼影。我試完呢個方法之後，真係成個樣唔同晒。」嘉琪亦不介意嘗試嶄新的化妝方法：「做藝人應該咩妝都試吓嘅。」
最愛味精湯
身為藝人，嘉琪經常要以最佳姿態示人，貪食的她亦不時要忍口，令她苦不堪言：「我最鍾意食零食同公仔麵，我以前連公仔麵入面啲味精湯都會飲埋，不過依家就唔敢喇。但最搞笑係啲fans成日送零食畀我，搞到我有時都忍唔住口『破戒』。」
文：專案組
攝：秦健輝
場地：金鐘西武
化妝：Lancome
服裝：上衣（Manoush）、裙（Miriam Ocariz）、鞋（Paco Girl）