本文重點
鄭融（Stephanie）自細已愛上跳舞，近年為增值自己，有意到美國學藝，但因時間及檔期問題，將計劃一推再推，Stephanie坦言不想只聞樓梯響，會積極向公司爭取假期，希望今年能夠成行。
Stephanie經常穿上三、四吋高跟鞋在台上左扭右扭，能夠練得一身好「舞功」，Stephanie說：「我好細個已經學跳芭蕾舞，學到十三歲就冇學喇，因為當年好多人都話跳舞搵唔到食，所以打消咗繼續跳。」她坦言感到後悔，她說：「自己鍾意自然就會有熱誠，如果當年仲繼續跳，依家可能教緊小朋友啦。」
想再着現代褲
Stephanie表示要增值自己，一直想到美國學跳舞，問到是否儲定「彈藥」？她笑笑口說：「自己畀錢都會去啦，始終要夾當地跳舞老師，因為佢哋成日出埠表演，希望今年可以去到啦。」Stephanie講起跳舞，即令她憶起小時跳芭蕾舞的趣事，她說：「依家好想試吓着番現代褲跳舞。（唔驚現形？）又唔係男仔，我之前跟杜麗莎學唱歌，見到佢喺度教小朋友跳舞，我都跳埋一份。」
另外，問到與緋聞男友莊冬昕是否在音樂上擦出愛火？ Stephanie說：「我哋合作五張唱片，大家入行時已經認識。（感情穩定？）唔講啦，講工作啦。」
文：音樂組