性感模特兒周秀娜（Chrissie）與趙碩之（Wylie）昨日同場現身活動正面交「峰」，可惜Chrissie收起性感，面對Wylie小背心，則略欠睇頭，雖然Wylie曾暗寸Chrissie爛做，不過兩人似乎未有芥蒂，在台上大方並肩合照。
Chrissie、Wylie、官恩娜、鄧紫棋（G.E.M.）、莊思敏與鄭融等昨日齊齊出席「U Choice！全港大學生最喜愛品牌選舉」，Wylie以小背心示人，Chrissie雖然曾被Wylie暗寸爛做內衣騷，但兩人同台未見尷尬情況且大方合照，Chrissie說：「唔尷尬，喺台後冇講番件事，不過有打招呼。」對於Angelababy成功簽約日本公司，Chrissie就言Baby相當厲害，可以被日本人接受與喜愛，她說：「好犀利，自己都希望，不過唔係想就有。」
鄭融曬傷心口
同場的鄭融日前因拍攝MV被曬傷，心口出現甩皮現象，但仍不介意以吊帶示人，問到鄭融最想拍甚麼類型廣告，她就言：「牙膏啦，好多人都讚我啲牙齊，而且成日畀人影到我大笑，形象深入民心。」
至於會否拍攝女性用品廣告，鄭融則表示毋須考慮：「每個女仔都會用。（內衣？）留番畀model啦，見過莫文蔚拍好有美感，等我成熟啲先，自己夾喺中間，少女系列留番畀G.E.M.啦！」
莊思敏叫折現
另外，五月一日生日的莊思敏，透露會與男友吳浩康（Deep）共度二人世界後，再與好友開派對慶祝，至於希望男友送上甚麼禮物，莊思敏就體貼表示：「佢好慘，忙完舞台劇就作感冒，相信佢都冇時間買，不過唔會嬲，（鑽戒？）唔係結婚先咩？（順便求婚？）唔會啩，太快，冇諗過！其實都叫朋友折現，將錢捐去癌病基金，更加有意義。」
採訪：音樂組