李嘉欣與許晉亨的愛情結晶品，必定是完美靚B，不過嘉欣卻無意自製。昨日她出席活動時，透露自己不想經歷生B過程，更有意找代母代勞。
美鑽品牌Forevermark的全港首間概念店昨日在周大福港島區旗艦店正式開幕，並邀得李嘉欣出席，嘉欣除了獲大會送上一隻價值六位數字的一卡美鑽戒指外，還示範了兩套分別近五百萬及近千萬的鑽飾。戴上了全套共160卡鑽石首飾接受訪問的嘉欣，手上的美鑽戒指達11.86卡，但仍比不上老公許晉亨送的禮物，她說︰「我咩卡數都差唔多有晒，自己買、老公送嘅都係最完美，老公送嗰隻大過呢隻。」
老爺奶奶冇催
婚後即與老公「分居」的嘉欣，透露終於可與老公同一屋簷下，她說︰「終於可以一齊住。（可以努力造人？）唔使努力同刻意，依家望住間屋，唔想見到細路仔。（老爺奶奶有冇催？）老爺奶奶好識做，淨係得我阿媽催我，成日問我幾時生。我想搵代母，用我同另一半嘅ＤＮＡ，（怕身材走樣？）有啲人想經歷生ＢＢ，但我唔想經歷，（老公點睇？）我未同佢商量過。」
婚後唔管亨亨
早前曾傳出嘉欣到美國人工受孕，問她是否因為不成功才想找代母，她即否認說︰「從來未試過，對上十年都未去過美國。」另外，豬流感在全球爆發，嘉欣表示不會阻止老公到美國，她說︰「佢好自由，鍾意去邊都得，我婚後都好自由，我唔使畀人管，佢亦唔使。」
文︰名人組