樂壇天后容祖兒昨日雙喜臨門，甫推出新碟即獲白金銷量，又宣布其個人網站正式成立，祖兒透露網站全由她親自設計，又笑謂：「如果第時公司有嘢想幫我發布，我可以借個地方畀佢嘅！」
近日忙於到世界各地進行巡迴演唱會的天后容祖兒，昨日在山頂舉行新碟《A TIME FOR US》的發布會，甫出碟即獲白金唱片銷量，成績驕人。
出碟心情緊張
大會自製年曆事先張揚祖兒下半年的時間表，將於九月入行十周年的她會舉行連串「Perfect Ten」慶祝活動，並會推出首張純音樂大碟，而十月將舉行「Perfect Ten」音樂會。祖兒笑言四月是「Crazy April」，因要同時灌錄國語及廣東碟，她坦言心情緊張：「好似好老土，不過真係緊張到瞓唔着！（要保住天后地位？）唔會刻意去做，但係做咗咁多年，自己同觀眾都會有要求，呢啲都係虛名嚟啫！」
險被大風吹走
祖兒趁出碟的好日子，同時宣布其個人網站www.joeyyung.hk正式成立！她表示網站由她親自設計，所有資訊都出自她的手筆，祖兒謂：「我會自己喺網上update資料，仲剪咗個MV放上網。如果公司有嘢要我發布，我都可以借個地方畀佢嘅，哈哈，好似好威咁！」大會又安排她與吳雨齊齊放氫氣球寓意一飛沖天，但是現場風太大，拍照時纖瘦的祖兒險被吹走，嚇得她不停驚呼身旁的吳雨，場面搞笑。
文：音樂組 攝：黎志輝