【蔡穎怡北京直擊】張曼玉（Maggie）與男友Ole Scheeren，昨晚為時裝品牌在北京的新店開幕擔任嘉賓，兩人全程糖黐豆，甜蜜滿瀉。Maggie與男友Ole及品牌設計Christopher Bailey乘坐私家車到達現場，公關為Maggie開門，不過她遲遲沒有落車，原來是等男友下車後扶她，而Ole亦表現得無微不至，而且十分有風度。
兩人全程十指緊扣，就算做訪問時，男友亦企在背後靜靜等候。Maggie被問到早前男友在台灣攞建築大獎如何跟她慶祝，她說：「我哋冇特別慶祝，亦冇送禮物。」Maggie被問到有否喜事宣布？她開懷地說：「唔知！（結婚會唔會保密？）冇咁嘅需要。（佢有冇同你求婚？）都冇！而且我哋仲未有結婚計劃，如果有，我一定會話畀大家知！」在旁的Ole被問到Maggie是否他的創作靈感泉源？他說：「一段愛情會有很多創作靈感。（幾時結婚？）仲未有計劃！」另外狄波拉及老公、張涵予亦有捧場。