無綫新劇《富貴門》的拍攝進度一拖再拖，早前袁詠儀（靚靚）在遊艇上拍攝被羅嘉良強姦的戲份，可惜遊艇意外擱淺，監製惟有急急找來一艘款式相近的遊艇補拍戲份。劇集將於日內煞科，一眾演員提早舉行煞科宴，筵開八席，與台前幕後的工作人員一同享樂。
無綫重頭劇《富貴門》自開拍以來一直被指風水麻麻，繼早前薛家燕在拍攝期間病倒後，日前劇中所用價值千萬的豪華遊艇亦意外擱淺。為盡早完成拍攝，《富》劇監製莊偉健以萬七元租下一艘款式相近的遊艇頂替。日前靚靚跟羅嘉良在該遊艇上進行拍攝，劇情講述靚靚被羅嘉良強姦，事後她激動得跪地痛哭，場面令人心酸。
合資請客
《富》劇於前晚提早舉行煞科宴，由劇中各演員合資宴請工作人員，場面熱鬧。首次合作的戚美珍（三嫂）及家燕姐表現得難捨難離，三嫂說：「記得家燕姐唔舒服之後，第一次返嚟探班，佢話同醫生講好多人等佢返去拍劇，我聽到之後真係好感動，好唔捨得家燕姐。」問她會否再拍劇？她說：「希望無綫會再開一套劇，重複用番我哋呢班演員。咁耐冇拍劇，感覺真係好意外，原來仲有咁好、咁投入氣氛。」
精神好轉
家燕姐在病愈後精神明顯好轉，她表示：「仲有兩日就拍晒，依家身體好好多，由十日補戲到今日，場場都咁勁。（拍完之後休息？）休息幾日，之前答應拍廣告，所以要返大陸拍埋先。」
文：影視組