本文重點
陶大宇昨日英雄救美，拍攝一場勇救陳美詩的戲份，但大宇明言無論現實生活或拍戲，都不愛打架，因他不想自己或他人受傷。
大宇、美詩、陳山聰昨日在將軍澳電視城為新劇《掌上明珠》拍打鬥戲，劇情講山聰查案被圍毆，美詩欲解圍亦受襲，結果大宇用摺櫈打走壞人，雖然只是塑膠摺櫈，但大宇演得非常認真，打到摺櫈都爛。
美詩受傷害
美詩很欣賞英勇的大宇，她笑言：「大宇英雄救美好冧呀，我好冧啲英勇嘅男人，男人應該保護女仔。」美詩未試過有男人為救她而打架，反而遇過傷害她的人：「讀大學時試過兩、三次男友都有第三者，喺感情上傷害我，可能當時個男仔仲未成熟，所以依家搵男友要搵個成熟嘅。」
大宇雖獲美詩大讚，但他卻不愛當英雄：「現實生活我實唔會英雄救美，因為我唔鍾意打交，演打交戲都唔鍾意。」原來大宇怕自己身手不好，容易令自己受傷，甚至令到對手受傷，所以還是少做英雄為妙。
文：影視組