早前有報道指錢嘉樂與前女友李珊珊復合，令樂樂的緋聞女友湯盈盈傷透心， 前晚樂樂與盈盈同台演出，盈盈趁機警告樂樂切勿揀錯！
錢嘉樂、湯盈盈、李思捷、蒙嘉慧和陳爽等，前晚為《2009TVB最受歡迎廣告頒獎禮》演出，早前有報道指樂樂與前女友李珊珊翻撻，傷透了緋聞女友盈盈的心，她回應事件時更是酸溜溜，前晚兩人同台，即成焦點。
呼籲勿醉駕
較早前盈盈和謝天華因醉駕惹官非，他們各自創作了一段「酒後勿駕」宣傳片，於節目上播出。司儀李思捷叫盈盈解釋為何會拍宣傳片，盈盈即望着樂樂，樂樂笑說：「唔好望住我講，望住佢講（思捷）。」盈盈即面露尷尬。
思捷再問宣傳片的構思，盈盈又望着樂樂，樂樂瞪眼道：「你講啦。」表情惹笑，盈盈也忍不住笑。呼籲勿酒後駕駛時，盈盈語帶雙關地望住樂樂說：「揸車前選擇飲唔飲酒，呢樣嘢係唔可以揀錯。」樂樂沒作任何反應，只在鄭瑩瑩得獎時謂：「好開心呀！『瑩瑩』得獎喎。」
冇食定心丸
盈盈坦言跟樂樂同台不尷尬，又說樂樂與珊珊翻撻的報道全是虛構，樂樂不需向她解釋。問兩人感情是否穩定？盈盈甜絲絲說：「唔知呢？（你態度同之前唔同，是否食過對方的定心丸？）冇食過任何丸，我一向都咁開心。」問盈盈如樂樂與珊珊復合會如何？盈盈冷言道：「恭喜佢囉。」
有見盈盈心情好，記者問樂樂是否箍煲成功？他說：「冇咁嘅事，全部係傳言，唔使解釋咁多，大家都係好朋友。（感情穩定？）我哋一向係好朋友，可唔可以用穩定嚟形容？總之一路保持朋友關係，唔會畀報道影響到。」提到樂樂整晚頂撞盈盈，他解釋是希望令對方放鬆心情，可算用心良苦。
文：影視組