前晚「古巨基EYE FEVER理大慈善演唱會」請得 I Love You Boyz（艾粒）擔任嘉賓，二人以基仔未肯和唱片公司續約惡搞一番，聲稱有位姓黃的要求基仔即場簽約，基仔大筆一揮後，艾粒宣布基仔加入「艾粒唱片公司」，其後艾粒又將《友共情》改歌詞：「基仔你幾時續約 金牌（大風）冇咗你唔夠腳 栢高is waiting」。而和黃栢高傳不和的基仔在鳴謝時也有多謝在場的黃栢高。
另外，現場有大隻「肌男」向基仔大呼「我愛你」，基仔回覆也愛「大隻仔」，但「肌男」就婉拒基仔上台。大前晚基仔的聲控衫燒毀，故前晚未有再穿。
由基仔為個唱而設計的聲控T恤在首場時已售罄，基仔見補貨兩次仍供不應求，現決定接受fans預訂。