在金像獎中失落男配角獎的樊少皇可謂禍不單行，竟被指於頒獎禮當晚爆粗，而討論區網民亦表示覺得少皇確實有爆粗。對於種種閒言，少皇昨日急忙在網誌中澄清，並連用兩個「冏」字形容事件：「就我的口才……冏……最可笑的是，有記者問我是不是在台上講了粗口……我又不傻……又怎可能在台上講呢？他們是把（好鬼痛）聽歪了成（好×痛）……冏！」
昨日少皇接受長途電話訪問時亦直言這是誤會：「我平時都好少講粗口，又點會喺咁重要嘅場合講呢？ 雖然事後聽番經理人講都話我好似爆粗咁，但我估主要係因為我緊張，最近開工又講得多國語，所以搞到走音。如果咁樣令到大會唔開心同啲觀眾覺得唔舒服嘅，我喺呢度道歉。」
樊少皇網誌：
http://hk.myblog.yahoo.com/dragonfilmhk