本文重點
電影《葉問》成為出爐「最佳電影」，前晚老闆黃百鳴、導演葉偉信及一眾主要演員如甄子丹、熊黛林（Lynn）、林家棟、樊少皇等到尖沙咀出席慶功。
阿Lynn表示，甄子丹不能奪影帝自己亦戥他失望，並大讚對方演得好。至於自己穿得如此性感卻失落「星光大道巡禮最佳衣着獎」，阿Lynn說：「有參與已經好開心，以前做模特兒諗都冇諗過。（再以《葉問2》提名？）唔想就呃你嘅。」問到緋聞男友郭富城何不陪她出席，阿Lynn說：「唔知喎！問番佢公司。」
子丹唔使老婆安慰
另外，阿Lynn經理人昨於電話中回應被指於紅地氈走光一事，她說：「邊度會露？件衫緊到不得了，掹都唔跌。」
至於失了影帝寶座的甄子丹，問他可覺不夠圓滿？他坦言：「第一次提名已經好開心，我都戥家輝開心，佢係一個好演員。（太太有冇安慰你？）冇呀，總之我係老婆心目中嘅最佳男主角咪得咯！」