無綫將金像獎頒獎禮剪到支離破碎，還刪了影后鮑起靜多謝亞視的片段，被觀眾狂轟，昨日無綫總經理陳志雲出席「志雲飯局舞台版」記者會時承認：「有啲遺憾，相信係時間上問題，雖然延遲一小時播做編輯工作，但都唔足夠。」他澄清：「從來冇下達訊息要cut，咁做絕對錯誤，如果處理不當，會做番啲嘢。」
對於爾冬陞狠批是奴才cut晒，陳志雲說：「每年做完會檢討再交流，佢有誤會同佢道歉，希望唔會唔開心。（會唔會同鮑姐道歉？）相信唔係刻意，希望安排今晚播番得獎感受。（怕唔怕畀人話無綫小器？）有呢個憂慮，所以要澄清立場。」結果，無綫在昨晚《東張西望》播出鮑起靜多謝亞視片段，即時補鑊。
而無綫外事部副總監曾醒明指金像獎收視平均28點，最高29點，宣布得獎影帝時收視有25點，影后則有28點，他解釋刪剪只因播出時間有限制，而高清台將於周六播足本。而有線就贈興於昨晚播《第28屆香港電影金像獎：錯過的精彩》，由主播口述講番所有刪剪片段。