本文重點
儘管遇上金融海嘯，唱片銷量大不如前，但小天后泳兒對前路依然充滿信心，她感激公司在艱難日子仍為她推出專輯，並希望賺多幾年錢讓父母過無憂無慮的退休生活。
小天后泳兒慨嘆出道遇着市道不景氣：「做呢行好睇運氣，雖然市道唔好，但公司仍肯幫我出碟，呢個已算幸運！」默默耕耘的泳兒表示最希望令家人有個安樂窩：「唔係要買大屋，只係想畀好生活屋企人，想就嚟退休嘅爸爸唔使擔憂咁多！」問到泳兒的財政？她坦言全數交給媽媽處理，但至少現在唔需要問屋企人攞錢。
支持鍾欣桐
對於師姐鍾欣桐全面復工，泳兒大表支持：「覺得佢好勇敢，其實之前跳舞都見過佢，佢精神唔錯，希望keep住啦。」問到可擔心公司將資源轉投在對方身上，泳兒說：「自己唔會計較，公司已經好錫我，投放喺佢身上都正常，因為佢重新投入工作。」
另外，泳兒投訴農夫遲遲未能交歌給她：「嚟緊我哋有表演，到時有合唱，不過叫佢E-mail歌畀我，一直都收唔到，到時會追過佢。」
採訪：音樂組