譚詠麟前晚聯同溫拿四虎於錄音室灌錄佛教歌《十方一念》，阿倫表示十四日晚（即昨晚）會在高爾夫球會為曾志偉和黃杏秀慶祝生日。阿倫透露至前晚仍未聯絡到志偉，笑言志偉嬲了他，事緣健仔生日會當晚，志偉又玩掟蛋糕，因他曾發誓不掟蛋糕浪費食物，所以當晚自己見到混亂情況「火都嚟」，不過阿倫仍送上祝福，抵死說：「祝佢高啲，拉長啲個人。」
提到IFPI頒獎禮上新人歌手不是入錯Key便是走音，阿倫不禁說：「唉……唔夠經驗啫，今日唔得就唱到令人拍掌為止，練好啲囉。」而阿B（鍾鎮濤）則實話實說：「我都冇聽過啲新人走音……喺CD裏面，唱片科技好，搞到唱到好好聽，佢哋就以為好勁，唔知唱live咁易出事囉。」
