嘉玲圍巾掩肚似有預告

曾志偉前晚於尖沙咀舉行生日派對,有半百圈中好友到賀,連被傳大肚的劉嘉玲亦賞面出席,前晚天氣雖開始轉熱,但嘉玲仍纏上一條長長的圍巾,遮掩腹部,令大肚疑雲更添幾分神秘感。

曾志偉前晚生日,在尖沙咀某餐廳舉行生日會,身為主人家的他,早於晚上七時已坐鎮招呼來賓。當晚有半百圈中人到賀,包括緋聞男女錢嘉樂和湯盈盈、側田、張家輝、張智霖和太太袁詠儀及杜汶澤夫婦等等。

至晚上十一時二十分左右,穿着魚網絲襪的劉嘉玲在幾名女性友人陪同下到場,起初嘉玲本想快步直入餐廳,但最終還是心軟,除稍緩腳步外,又主動向鏡頭揮手。嘉玲被傳大肚,前晚所見,她身上纏了一條長長的圍巾,剛好把腹部掩蓋,令人無法對她腹部的隆起程度一目了然,不過,嘉玲的服裝屬高腰剪裁,若腹部開始微隆,這種剪裁又似乎令準媽媽不太舒服。

過生仔秘方畀偉仔

嘉玲逗留至凌晨一時才在幾名女性友人陪同下離開,她說:「入面好感動,(送咗乜嘢禮物?)唔講啦。」說罷即登上保母車離開。

志偉談到嘉玲被傳有喜時說:「我冇聽到嘉玲提過喎,就算有都冇咁快現肚,(有冇過啲生仔秘方畀嘉玲?)係都過畀梁朝偉啦!」

而杜汶澤昨日被問到可看到嘉玲腹部是否隆起時,他說:「我唔識睇,我覺得嘉玲身材最弗呢個時間,樣都後生咗。」阿澤續說:「志偉話我喺《星星同學會》爆佢瞓覺,佢要我飲酒,搞到我破酒戒。」

街坊投訴警員到場

在凌晨二時許,志偉兒子曾國祥透露喝醉了的志偉已由朋友攙扶下由秘道離開,據知志偉其實早在十二點切蛋糕前已飲醉,但在此之前曾經發表了一段講話,他說:「今晚叫得嚟嘅都好朋友,好開心可以聚吓,演藝人唔方便出街,希望以後每個月都搞一次咁嘅聚會,娛樂圈就更團結。」說罷掌聲雷動,聲浪惹來街坊投訴,有警員到場了解。

腳步浮浮的側田於凌晨二時離開,邊行邊說:「好好玩呀!」說罷被崔建邦一手掹走,送上七人車。

此外,志偉昨午先與郭富城等踢了一場「賀壽波」後,便到赤鱲角高爾夫球場出席陳百祥(阿叻)為他和黃杏秀搞的生日會。阿叻說:「志偉同黃杏秀同日生日,係我提議搞呢個生日會,我要對秀姑好啲,今後要靠佢養。」

嘉賓之一狄波拉表示:「栢芝佢好有人緣,好多人送玩具畀Lucas,栢芝往往等Lucas玩兩日就捐畀慈善團體。(支持栢芝復出?)佢做乜都支持。」

文:影視組

誰是你心目中的影帝影后?《請即投票》