周麗淇（Niki）、滕麗名、郭政鴻及黃瑩等，昨出席劇集宣傳活動，在劇中花名叫「波波池」的Niki，突然被滕麗名叫做「靚女淇」同「衫板淇」，Niki表示與滕麗名老友鬼鬼，揚言唔會嬲對方。
Niki表示：「依家出街，有啲男人叫我做『波波池』，真係好尷尬，唔知應唔應好，因為個名令人心邪。（阿滕叫你做衫板淇？）佢玩吓，我哋好好朋友，冇乜所謂。（兩個花名鍾意邊個多啲？）兩個都唔要，我要周麗淇。（滿意自己身材嗎？）好滿意，媽咪生得我出嚟。」
滕麗名事後就認衰表示：「我賤格、係我衰，我叫做『下流滕』。（怕唔怕Niki嬲呀？）唔怕，佢好寬宏大量嘅。」此外，同場拋胸上陣的黃瑩，大方俯身打桌球，惹搶鏡之嫌，不過事後，她表示服裝由公司提供，並已習慣性感，不覺尷尬。