謝安琪自嘲變外星人

自從Kay憑《囍帖街》走紅升級為天后後，即有雜誌不停懷疑她曾整容，去年尾已指她曾整眼、鼻、下巴和臉形，近日又被翻舊帳，指她今年賺到1,800萬，有錢就偷偷割雙眼皮。

Kay的五官標致了，歸功於化妝師。

謝安琪與學生一起分享經歷。

多謝化妝師

昨日Kay出席奧海城活動，眼部化了濃妝還黐了又長又密的假眼睫毛，記者指她的雙眼皮清晰可見，Kay笑說：「係呀，化妝師化得幾靚。」但否認割了雙眼皮：「整容嗰啲講過好多次，要多謝我化妝師，因為化妝、身形好咗，畀人感覺靚咗，之前畀人話我好肥，有暴食症，依家又講第二樣，唔回應咁多嘞。」

老咗先整容

至於雜誌指她賺了1,800萬，Kay說：「賺幾多錢唔講，我自己都唔清楚，都唔關事。（樹大招風？）好似講到我係外星人咁，眼靚咗、鼻高咗、臉形唔同咗，感覺自己好似羅茲威爾嘅外星人，我覺得唔需要整容，最緊要唱好歌。（抗拒整容？）我冇乜意見，呢啲個人選擇，承擔得起風險同錢，唔係壞事。（覺得自己有乜要整？）冇諗過，暫時冇需要，老咗至算。（呢本雜誌每次都針對你？）唔知呀，講完又講，留畀其他人判斷。」

另外，Kay的老公張繼聰（Louis）在Blog上抒發感受，對有關他們一家人的報道，無論從採訪角度、用字或動機，他早已不放上心。又謂昨天難得放假，與家人到教堂望彌撒，然後飲茶，享受天倫之樂。

文：音樂組