蔡卓妍（阿Sa）以單飛姿態推出個人專輯《二缺一》，阿Sa接受專訪時不諱言，今次出碟過程不如以往般興奮，又透露當與好姊妹鍾欣桐（阿嬌）首次聽到與專輯同名的新歌時，忍不住齊齊落淚。
阿Sa的新碟銷量已衝破萬張，成績斐然。阿Sa受訪時坦言，以Twins的名義闖樂壇已有八年，現在以個人姿態推出專輯，公司有贊成及反對的聲音，而她坦言亦感十分矛盾：「用自己名義抑或Twins名義出碟，為咗呢個決定拉鋸咗一年，可以想像嗰時心情幾難受。不過唔想件事搞到好悲觀，會以積極方法面對。」
非做大事材料
阿Sa又謂今次出碟未如以往般興奮：「之前每次出碟情緒都好高漲，但今次冇咁興奮，我唔係一個做大事嘅人，一人孭晒成張碟，心力交瘁。以前同阿嬌上台演出，緊張就一齊緊張，但依家自己上台時，有時對眼唔知應該放喺邊。」
阿Sa又謂和阿嬌合作八年，兩人肯定不會分開，更堅定地表示自己以「Twins的阿Sa」而非「蔡卓妍」身份出碟。談到新歌《二缺一》，她表示錄音過程中，阿嬌曾現身相伴打氣，期間亦有安慰阿Sa，着她不要想得太多。錄好後，阿Sa第一時間給阿嬌聽，阿Sa說：「佢聽第一句已經喊，跟住我哋就一齊喊。」
咀賀軍翔播菌
另外，阿Sa早前飛赴台灣拍攝台劇《呼叫大明星》，與人氣偶像賀軍翔有不少親熱鏡頭，她笑謂：「第一次拍咁多親熱戲，係一套浪漫輕鬆喜劇，錫到頭擰擰，好勁！（佢帶你咀戲？）係呀，所以連感冒都傳埋畀佢。」由於賀軍翔和楊丞琳是台灣的螢幕情侶，不過問她會否擔心楊丞琳的fans呷醋？她說：「唔會，我同楊丞琳係好朋友。」
文：專案組