黃文迪前晚為《大咕窿》錄影，並穿着熊仔衫落水，但數十秒內沒反應，嚇得攝影師大叫：「救人呀！」
黃文迪上水後除去公仔頭套，面紅又索氣，問他是否焗親時，他死撐說：「冇問題，（咁做乜唔郁？）營造氣氛啫！一早都知有人幫手，我都係第一次着呢啲衫，唔辛苦，好輕鬆，做嘢冇所謂。」而監製表示一早已做好安全措拖，通常落水都有心理障礙。
黃文迪的緋聞女友呂慧儀出席另一活動時也力撐：「唔使呀！佢游水好叻，又有潛水，好熟水性，而且公司節目都好安全。（肉唔肉赤？）好辛苦咩？份份工都有辛苦一面，不過佢好犀利、好叻，乜都做到。（佢扮熊喎！）gimmick嘢啫！扮一次就夠。」
