本文重點
向來守時的陳偉霆（William），前晚出席節目錄影時，因錄影時間通告溝通出現誤會，被誤指遲到，慘食死貓，令他十分無奈。
陳偉霆、小肥、梁奕倫前晚為無綫遊戲節目《大咕窿》作首集錄影，並邀得鄭欣宜、趙永洪、鄧永健擔任嘉賓。首次擔任遊戲節目司儀的陳偉霆，未有在原定的七點鐘錄影時間到場，要到八點半左右才急急腳出場，但嘉賓、主持等足個半鐘頭，出現遲到疑雲。
事後，剛由澳門趕回錄影廠開工的William解釋，無綫給他的通告是八點十五分，並非七點鐘，他說：「第一日錄影就遲？啱啱喺澳門做完騷，所以遲少少，其實一早同無綫講咗，因為接咗澳門嘅工作先，所以一做完騷就即刻飛去碼頭過嚟呢度，但都遲咗十分鐘，如果十分鐘令其他人不便，真係唔好意思，我已經同其他嘉賓講咗抱歉。」
英皇方面亦表示無綫通告是八點十五分，而他們已事先通知無綫要八點半先可以趕到，所以William未有遲到。節目監製謝英偉亦澄清William並非遲大到：「事前有夾過，知佢要去澳門做嘢，可能復活節，船飛安排出問題，佢都係比預期中遲咗少少，唔係佢話想遲到嘅。」
唱《警察故事》有壓力
此外，William、泳兒、韋雄昨日為「百年電影」錄音，獻唱多首經典電影主題曲，期間三人對於有機在金像獎頒獎禮上獻唱感到十分高興，當中William會唱《警察故事》主題曲，揚言感到有壓力。
文：影視組