傷口發炎後昨日復工的洪卓立（Ken），偕師弟扈佳榮及鄧紫棋（G.E.M.）出席活動，Ken笑言要趁復活節復活，又坦承因無錢才急於復工。雖然早前插喉時弄傷聲帶，現時唱歌傷口及喉嚨亦會痛，但他仍堅持唱現場：「出道至今都唔會咪嘴。（擔心走音？）真係好驚，自己做新人嗰陣都試過太緊張走音。」
G.E.M.對於獲IFPI頒獎禮最高銷量女新人獎受質疑說：「以往都有幾個。證明歌迷都會買碟。（唱得最好係你喎！）因為綵排嗰陣同正式唱唔同，唔知係音響問題定係點，其實我都好驚入錯Key，喺有限資源下表演到已經好開心。」
