小方怕怕拒黐Rainbow

小方、孟瑤、陳奕迅（Eason）及徐子珊等，昨出席王晶監製之新片宣傳。席上大會安排三位女角孟瑤、徐子珊及劉洋與觀眾玩遊戲，要眾人於發泡膠池找物件，孟瑤玩遊戲時，完全不理自己穿了低胸連身裙，蹲下來在池中尋寶，以致其豐滿身材湧出，令現場波濤洶湧。

孟瑤落台時即以披肩遮掩驕人身材。	為新片宣傳的孟瑤（右）玩遊戲時非常投入。	Eason為拍攝到過香港不少地方。

勸告畀心機讀書

事後孟瑤得知自己走光，雖然有感愕然，但仍大方笑謂：「我有打底，走光都唔會太醜。（怕唔怕畀人話搶風頭？）唔會，我唔覺得自己性感，只係你哋覺得。」

至於小方，對於與他傳緋聞的Rainbow被指生活不檢點，他說：「我有睇報道，但唔想批評。佢（Rainbow）咁細個，應該畀心機讀書。（覺得佢喊係真心？）唔講真假。（保持距離？）係，免得過都唔會接觸。」

Eason指秋生講笑

Eason近日因爆出陳冠希近況而跟黃秋生傳是非，而在新片中秋生亦是演員之一，問Eason可擔心宣傳時碰面會尷尬？他說：「唔會，我有打畀秋生問番件事，佢話冇嘢，佢當時只係講笑。我同佢都鍾意整蠱人，大家都係講笑時自己唔笑嘅。」Eason又指拍此片時去過不少地方：「今次要搵好多舊建築物，我先發覺好多建築物要保育，今次亦有幸去夜總會，真係大開眼界。」

文：影視組