欣宜一世要爭氣

鄭欣宜為無綫節目《小時感動》任嘉賓，談到小時候最感動的事情，她說：「我喺節目度都會講媽咪（沈殿霞），但唔想講唔開心嘅回憶，因為我想離開悲傷。四月一日我去咗拜祭媽咪同哥哥張國榮，我當年應承媽咪我要爭氣，呢個係我一生嘅諾言，我一生都會做。（你呢番說話獲提名節目入面『最令人感動事件』之一。）其實係媽咪教我要爭氣，要講得出做得到，要有頭有尾。我最近唔開心，睇番《畢打自己人》，我覺得做得唔好，雖然有人讚，但有人讚進步，即係有機會退步，我要繼續努力。」
  • 放大圖片