何韻詩前晚在音樂會上演唱新歌《查理淑儀》時，大為感觸說：「愛對我人生好重要，但大家可能對愛冇咗憧憬同幻想，其實要維繫同付出先可以搵到終身伴侶，希望大家搵到一生最愛嘅人。」她將歌曲送給在座的父母，認為他們是典型的「查理淑儀」。
阿詩在騷後接受訪問，她坦言身邊朋友因父母離異而影響愛情觀，反觀自己非常幸福，更透露期望跟身邊的朋友一樣結婚、生仔。問阿詩搵到她的「淑儀」未？她說：「呢個年代，查理又好，淑儀又好啦，視線範圍之內都有適合人選，（圈中人？）好廣泛呀喎，唔講咁仔細啦，講咗唔靈呀，（公唔公開？）結婚就一定會公開，依家狗仔雷達咁勁，邊有得秘密吖。」
