王祖藍榮升「王三組」，忙於為電視劇開工外，更同時間開拍新片《矮仔多情》及《人間喜劇》，致令睡眠時間嚴重不足，不過兩套戲加加埋埋約有十個靚女，包括Angelababy、薛凱琪、黃婉伶及賈曉晨等當拍檔。前日剛為《矮》片開工，即獲Angelababy獻上銀幕初吻，難怪祖藍笑說：「原本好攰，不過去到現場都特別醒神啲，我帶畀其他男仔好多希望，因為連我咁都得嘞。」
《人》片令祖藍遇上另一「喜劇之王」——杜汶澤，二人一見如故，在合作上擦出不少火花，而阿澤相當識做，第一次見面即送上《達賴遇上耶穌》一書作見面禮，氹得祖藍開心不已：「因為趕戲關係，我依家都未有時間睇（書），但情形就好似我遇上阿澤咁囉。」
