吳君如主持的《星星同學會》邀得方力申及古巨基任嘉賓，小方起初表示會爆基仔料，問小方基仔女友是否其助手？小方說：「唔知，都係爆日常嘅嘢，（驚畀人爆乜？）都係感情嘢啫。」說到有指蔡卓妍向鄭中基施壓要請鍾欣桐上《美女廚房》，小方謂：「唔使問我啦，係監製負責邀請人。（你想唔想？）想，梗係想啦。」
對於小方在節目喜歡照顧女嘉賓，他說：「吳雨霏應該要照顧，Kama年紀輕嘛，（Stephy呢？）自己公司囉。」記者一提阿嬌，小方即口窒窒，想了一會才說：「到時再算啦，（到時有比較喎。）咁你提咗我。」記者說基仔的助手女友都在場，基仔即說：「君如係我女朋友，（問感情係咪死穴？）唔係，不嬲都低調，唔提對方係好事，唔提係錫對方。」基仔之後說現在沒拍拖，記者指他講大話，他笑而不答。