鍾欣桐（阿嬌）復出後反應不俗，連老闆楊受成都大讚她工作努力，並揚言再過一段時間Twins便會正式復活。昨日楊受成出席仁濟就職典禮活動，談到阿嬌近況，他笑說：「佢好努力工作，心情好好，因為外界都好接受佢，（Twins幾時一齊出嚟？）要等佢再出嚟一段時間先，然後等公司睇吓佢哋幾時適合一齊見觀眾！」
談到好友陳澤民申請破產，他說：「我都係睇報紙先知，（會唔會經濟上支持佢？）大家係熟嘅朋友，如果做得到都冇所謂！（佢搬咗去旺角？）我唔知喎，我都冇見佢大半年。」當提到陳冠希受威脅一事，他說：「我唔知，佢都唔喺我公司咯，不過呢啲都冇乜意思！」而其弟楊超成前晚出席東華活動時透露女兒楊永晴仍與陳冠希拍拖，亦不擔心人身安全。提到陳澤民申請破產，他說：「呢啲嘢好難講，經濟差係世界性嘅！」