無力葬母 阿明獲濟燃眉
去年十一月，年近九旬的何蘭芳於長沙灣幸福街過馬路時不幸被貨車輾斃，至親遽然離世，其子杜福明飽受喪母之痛的同時，亦因收入微薄，無力籌措母親殮葬費而大感無助。東方日報慈善基金了解情況後，已從「無力殮葬」專戶撥款兩萬元，直接向殯儀公司支付有關殮葬費用，以協助杜家渡過難關。
「我返夜更嘅，嗰朝早都係好似平時咁喺屋企瞓緊覺。阿媽同平時一樣，都係落去社區中心做吓運動，之後就去教會，點知就……」事過逾月，阿明憶述意外經過時仍難掩傷感，兩眼紅腫，坦言事出突然，母親當日只是如常出門，未料卻成永訣，心情至今仍難以平復。
在公園任職夜更保安的阿明表示，母親曾輕微中風，自此行動緩慢，但近年情況已大有好轉，「除咗中過風，佢八十幾歲人都冇病冇痛，只係每四個月先要去醫院覆診一次。」不過，阿明仍特意申請由港島區轉回長沙灣區工作，並搬到幸福邨單位與母親同住，以便照顧母親。阿明更指妻子與母親感情深厚，母親更視妻子如「親生女」看待，「我哋兩公婆都好錫佢，依家阿媽走咗間屋要畀房署收番，間屋有好多我哋嘅回憶……」
保安收入微薄 不敷應用
阿明與妻子育有兩女，二人仍於內地就學，妻子因持雙程證來港，故未能工作，一家只靠其每月約八千元的收入維生，雖省吃儉用，惟負擔甚重，難有積蓄，「我兩邊膝頭都做過關節手術，唔係咩工都做得，做夜更保安時間係長啲，但都冇話辛唔辛苦，做到就做。」母親突然離世，阿明卻無力全數支付殮葬費，亦深感愧疚，東方日報慈善基金經了解後，已從「無力殮葬」專戶撥款兩萬元，協助阿明處理母親的殮葬事宜。
捐款編號：12750
記者：呂諾君