不捨愛女 癌末漢求藥費續命
生命理應無價，無奈續命藥物有價。現年四十九歲的黃昭語與妻子於年半前誕下女兒，滿以為從此可享天倫樂之際，早前卻確診患有第四期大腸癌而頓起波瀾。為爭取一線生機，語哥需接受自費標靶藥物治療，待腫瘤縮小後以手術切除，惟每月藥費需近三萬六千元，可謂「寸金購買寸光陰」。為免延誤病情，東方日報慈善基金已支付首次療程費用，繼後藥費則亟待善長施援。記者 呂耀焜
「初頭就大便有血，仲以為係痔瘡，冇耐就有一排去唔到廁所，睇醫生都係開咗啲通便藥，點知最後檢查完，話係第四期大腸癌，仲要擴散到去肝同肺……」語哥任職影印機維修員多年，全身經常沾滿碳粉，渾身漆黑，但下班後語哥仍會親自買菜、下廚，無微不至地照顧家人，「個女未夠兩歲，老婆湊佢都好辛苦，好多時一晚都瞓唔到幾耐，所以有咩我都會幫手。」
工作雖苦，但語哥仍感生活甜美。為調理身體及撫養女兒，語哥妻子早已辭去工作，家計重擔全落在語哥身上。語哥坦言，收入雖不豐厚，但由於節儉持家，日常開支精打細算，生活尚算安穩，更儲下部分薪金為女兒將來打算，詎料病魔突然來襲，擾亂精心計劃，「之前份工都係搵萬幾蚊，三個人一齊用尚算可以，依家有病做唔到嘢，但之後啲標靶藥要成三萬幾一個月，唔通要個女唔食咩……」
最大心願伴女兒成長
語哥最大心願為目睹愛女長大成人，在其生命中的每一個重大時刻陪伴左右，「梗係想睇住佢由讀書到出社會做嘢，同埋結婚。」為此，語哥決心對抗癌魔，自費標靶藥物頓成最後希望，期望善長慷慨施援，以爭取一線生機，「醫生話咩都唔做嘅話，半年左右就要走。如果標靶藥療效理想，個腫瘤縮細嘅話，就可以做手術，咁就有好轉嘅可能。」瑪麗醫院發言人證實，病人確診第四期大腸癌，醫生建議每兩星期接受Cetuximab（C225）標靶藥物治療，每次費用約為港幣一萬七千六百八十元。
捐款編號：12761