愛心廊：手機贈耆英 出入更平安

年逾九十的葉明為獨居長者，過去從未購買手提電話，平日更只會在所居社區活動。獲贈手機後，葉婆婆不但笑逐顏開，更指可即時四處走走，「就算唔識路，依家撳個掣就可以駁去啲姑娘度，教到我點行，咁就唔使怕蕩失路！」葉婆婆獲悉手機服務包括無限通話分鐘後，更稱平時亦可致電老友記閒聊。

至於七十九歲的林子才則指妻子為失明人士，平日會常伴左右，日前才叔與妻子在街上散步時，妻子因雙腳無力而跌倒，由於二人皆無手機，無法報警求助，幸獲附近店舖職員協助報警才可送院，「依家有呢部電話有咩事都唔使驚，撳個掣就可以搵到人幫手，呢部平安手機對我哋兩個真係好重要！」才叔笑指獲贈手機後，夫婦日後將可真正出入平安。

兼送月費 附緊急召援服務

3香港過去亦曾與東方日報慈善基金合作送出手機及月費計劃，惠及不少長者。和記電訊（香港）有限公司企業及市場傳訊總監何偉榮認為，手機服務對長者非常重要，「好多長者因為種種原因而冇手機，所以我哋好希望可以幫到佢哋。」

何偉榮更指是次送出的不但為一部電話及通話服務，而附設的緊急召援服務，更可讓長者在外遇上突發意外及困難時，可獲即時及適切的支援。

基督教家庭服務中心真光苑長者地區中心社工陸美玲姑娘指出，是次受惠的對象主要是獨居或雙老家庭，且一直並無購置手機，「佢哋好多都因為經濟問題冇手提電話，有部分嘅記性仲比較差，所以今次個計劃包括埋免費嘅緊急召援服務，真係好啱佢哋！」陸姑娘更指手機可令長者更易走出社區，認識更多朋友，令生活更加多姿多采。

記者：林永發、黃芷君