肺癌入骨 珍姐急籌藥費續命

「我幾十年嚟唔煙唔酒，食嘢又好小心，又會落街做運動，都唔知點解會有呢個病。」六十二歲的珍姐去年初開始不時感到氣喘，咳嗽更久久未愈，經檢查後發現竟患上第四期肺癌，珍姐與其子晴天霹靂，生活亦大大改變。「我先生過咗身成十年，得番我同阿仔，有病之後鬼咁辛苦，連行都行唔到。」

病魔折磨 靠嗎啡止痛

患病前，珍姐與兒子同為屋邨保安，母子二人居於公屋單位，靠微薄收入維生。自珍姐發病後因癌症擴散入骨，以致全身疼痛，「痛到醫生開嗎啡藥水畀我止痛，依家就算行行吓都會腳軟跌低，食嘢又反胃嘔番晒出嚟，但都要夾硬塞落去。」飽受癌魔折磨的珍姐得兒子照顧，日常三餐由兒子辦妥，到醫院覆診亦有兒子在旁，對兒子身心勞累大表心痛，「佢返夜更要通宵，平日都已經好辛苦，一個月休得四日，依家仲要拎晒嚟照顧我。」

省吃儉用 仍難以支付

由去年五月至今，珍姐已接受十一次化療，經歷漫長而痛苦的療程後，近日更出現抗藥性，醫生建議接受自費標靶藥治療，惟藥費驚人，即使珍姐母子再「死慳死抵」仍束手無策，「平時已經食得好慳，但係咁多錢你叫我點畀，真係冇晒辦法。好希望有善長可以幫幫手救吓我。」

瑪嘉烈醫院發言人證實，病人於去年四月確診患第四期肺癌，癌病轉移至胸腔及骨，曾接受化療，惟今年一月病情有惡化迹象，醫生建議使用自費標靶化療藥物以作紓緩治療，目的是延長存活機會及減慢病情惡化。如選用口服Crizotinib，每天藥費一千八百元，每月約需五萬元，初步療程約持續六個月。如選用靜脈輸注Docetaxel，每三周需一次療程，每次需七千二百元。發言人又指，有關療程將取決於病人身體情況及對藥物的反應而定。

捐款編號：12663

記者：呂諾君