孤寡失依靠 感謝善長助渡難關

「以前雖然窮，但係一家人可以互相依靠，但阿華走咗之後就乜都變晒！」摯愛突然離世，令阿貞亦嘗盡人情冷暖。來自內地的阿貞三年前與阿華邂逅，婚後未幾即誕下晞晞，期間雖不斷穿梭中、港兩地照顧丈夫及兒子，縱然頻撲仍活得幸福。然而，阿華猝逝未幾，還未獲批出單程證來港定居的阿貞旋即與兒子被迫搬離原居公屋單位，頓時無家可歸。

連番打擊令阿貞承受着沉重壓力，更一度有輕生念頭，「嗰陣唔單止冇地方住，晞晞仲突然間不停發燒，又咳到嘔，嗰下我真係好驚連晞晞都會離開我，就諗住跟埋阿華一齊去一了百了……」幸而在絕望及無助中，阿貞並未忘記作為母親的身份與責任，決定咬緊牙關，將晞晞養育成人，「一見到個仔仲咁細，都未有機會睇清楚呢個世界嘅美好，就醒起唔可以咁易放棄！」

望兒子長大回饋社會

阿貞現與友人合租一閣樓小單位，加上兒子年紀尚幼，日常開支甚大，「晞晞要我貼身湊住，我喺香港又無親無故，就算我自己唔食，個仔都唔可以唔飲奶，但真係冇晒辦法！」對於獲得大量善長協助及關心，阿貞坦言感到無比溫暖，亦形容善款猶如及時雨，令其暫時不用擔心經濟壓力，可專心照顧兒子，「好多謝東方日報慈善基金同咁多位善長，如果唔係你哋幫手，我同個仔都唔知點算！」

展望未來，阿貞最大的心願是兒子能夠身心健康地成長，更希望父親的離世不會為其帶來童年陰影，「有時晞晞見到街邊啲小朋友叫爸爸，佢都會跟住叫爸爸，我每次聽到都好心痛。」最後，阿貞承諾會將善款用予晞晞日後生活及教育開支，希望兒子長大後可回饋社會，以答謝善長的協助。

捐款編號：12515

記者：詹海萍